Jardunaldi jarraia ezarri den eskoletako guraso, irakasle eta ikasleak orohar pozik daude eta ez dago jardunaldi zatitura itzuli nahi izan duen eskolarik.
Jadunaldi jarraia ezarri den tokietan, eta haren emaitzak ikusi ondoren, gero eta azkarrago hedatuz joan da, administrazioak ezarritako baldinzak oso gogorrak izan arren. Horrela, eskola gehien edo guztietan ezarri dute jardunaldi jarraia Kanaria Handian, Andaluzian, Gaztela-Mantxan, Extremaduran, Murtzian, Asturiasen edota Gaztela eta Leonen, besteak beste. Madrilgo Erkidegoari dagokionez, Alcala Henaresen, Henaresko korridorean eta inguruko beste puntu batzuetan hasi eta azken lau urteotan ia hirukoiztu da jardunaldi jarraia duten eskolen kopurua.
Eskola-errendimendua handitzen da.
Familiako kideen arteko elkarbizitza ahalbidetzen du. Elkarbizitza sustatzeko lan egin behar dugu. Elkarbizitza elkarrekin bizitzea da, ez soilik etxe berean lo egitea edota haurren behar guztiak ordaintzea. Bazkaltzeko ordua une ezinhobea da gure seme-alabekin komunikatzeko zein elkar ulertzeko, baita euren bizitzarako erreferentzia bat emateko memento paregabea ere. Ez da nahikoa noizen behin zer moduz doakizu? galdetzea, begietara begiratu behar diegu, beraiekin bazkaldu, beraiekin egon, euren tokian jarri, beraien ilusioak konpartitu, hau da, egunero-egunero beraiekin bizi. Ministerioak egindako alkoholismoaren aurkako kanpainian ere lelo hori bera aukeratu dute: komunika zaitez beraiekin.
Nire semeari eskolara joatea eta lagunekin egotea gustatzen zaio, baina batzuetan begietara begiratu eta galdetzen dit: zergatik ezin dut zuekin batera bazkaldu?-, eta nahiz eta ez dakidan zer erantzun, ez dut nahi bere ezintasuna ikustean, galdetzeari uztea.
Jardunaldi jarraia ez da ordutegi aldaketa soila, hezkuntza proiektu osoa baizik, horrela ezartzen du legeak, eta horrek berak bestelako aferak konpontzen ahal dira, hala nola jantokia, txikien lo-kuluxka, eskolaz kanpoko jarduerak, motxilen pisua edota etxeko lanak. Eskola gure seme-alabentzako erreferente eredugarri gisa aurkeztu beharra dago. Eskolako ordutegiak ahalik eta zabalena izan behar du, udan ere bai, ez bakarrik derrigorrezko ordu-lektiboak antolatzeko, baizkik eta gure eskura dauden aukera guztietara irekia. Haurrek bazkaldu aurretik bukatuko dituzte eskola-ordu lektiboak. Ondoren, etxeko lanak izanen dituzte. Etxeko lanak eskolan bukatzeko denbora izan ez duten lanak izanen dira edota errepasorako noizbehinkako ariketaren bat. Euren motxilak prestaturik daude. Atsedenerako eta jantokiko denbora izanen dituzte. Ordu bete pasata, hiruetan, ikasteko saio bat antolatzen ahal da irakasleek gidatuta, etxeko lanak bukatzeko aukera izan dezaten, ikasteko giro lasaiean, betiere irakasleen laguntzarekin eta bere zaintzapean. Txikienentzako erlaxazio-saioak antolatzen ahal dira, irakasleek gidatuta, haurrek atseden hartzeko eta kuluxka egiteko aukera izan dezaten. Modu horretan, lauretan ikasleak etxera joan ahal izanen dira edota, motxilak takilletan utzita, eguneko eskolaz kanpoko jardueretara joan, gustuko dituzten kirolak egiteko antolatu, lagunekin egon, liburutegira joan edota familiarekin atera. Eskolan, arratsaldez, futbol edota saskibaloi partiduak antolatzen ahal dira nahi dutenentzat. Feenstra haur-psikologoak honela dio: “Arratsaldez, onuragarria da kanpoan kirola egitea (oxigenatzean eta mugitzean, gehiago jango dute eta hobeki lo egingo dute). Horretarako mementu egokia arratsaldeko bostetatik bederatzietarako tartea da, ordu horietan birikek eta bihotzak modu eraginkorrenean lan egiten baitue eta gorputzak hobeki baliatzen ahal dituelako energia-erreserbak”.
Horrekin guztiarekin, bazkaldosteko atsedenaldi sobera luze kaltegarriak saihestuko dira, eta ikasleek euren lana arrazionalizatzea lortuko dugu, lehendabizi etxeko -lanak eginen baitituzte eta aske sentitu, lana bukatu dutela sentituz, euren energiaz eta gaztetasunaz gozatzeko, motxilarik gabe eta etxeko lanak egin gabe dituztelako egun osoa esklabo bihurtuta pasatu gabe.
Oharra.- Hemen aipatutako datuak jardunaldi jarraia duten hainbat eskoletako memorietatik jaso dira, gure eskolako esperientziatik eta harrigarriki, jardunaldi jarraia belzteko Madrilgo Erkidegoak Mariano Fernández Enguitari eskatutako “Eskola Ordua” ikerketatik . Azken ikerketa horrek jardunaldi jarraia sostengatzen eta sendotzen duten datu-kopuru izugarria eskaintzen du (dokumentatutako bostehun testu inguru, berrogeitahamar lagunei egindako elkarrizketak eta hogeitalau ikastetxetara egindako bisitak).